Дискусии

Погледнете ја снимката, дискусијата започнува 30 минути од почетокот на видеото Како кризата со КОВИД-19 го менува медиумскиот пејзаж и како новинарските здруженија може да им помогнат на новинарите при заштита на нивните права во овие досега невидени времиња. Дали кризата со КОВИД19 ќе го смени начинот на известување и правење новинарски стории? Зошто родовите нееднаквости во професијата се влошуваат за време на ова глобално пореметување? Кои се долгорочните ефекти за новинарството и медиумските куќи? Дискусија со Ренате Шродер, директорка на Европската федерација на новинари и Киран Назиш, основачка на Коалицијата за жени во новинарството, со кои ги истражуваме актуелните...

Погледнете ја снимката од дискусијата Пандемијата значително влијаеше врз состојбата на домашната медиумска сцена, а новинарството се вбројува во високоризичните професии. Дискусијата ќе се осврне на предизвиците што оваа криза ги предизвика на домашната медиумска сцена и на лекциите што ги извлековме од ова искуство.

Погледнете ја снимката Научните откритија сè повеќе потврдуваат дека луѓето не реагираат на примена информација, туку на она за што најмногу се грижат. Фокусирањето само на подигање на свеста или споделување информации нема ефективен исход. Центарот за комуникации од јавен интерес при Универзитетот од Флорида користејќи наоди од бихевиоралните, когнитивните и општествените науки, издвои шест главни принципи во оваа основна лекција за комуникација од јавен интерес. Во оваа сесија, учесниците ќе научат како да ги применуваат овие принципи во својата работа и ќе стекнат научно основана рамка за справување со нови комуникациски предизвици.   Настанот е поддржан од Канцеларијата на...

Погледнете ја снимката Разговор со Метју Каруана Галиција за работата на Дафне Каруана Галиција и истрагата за нејзиното убиство, којашто е далеку од она што би можело да се нарече правда. Како самата Дафне Каруана Галиција, и нејзиното семејство не дозволува да биде замолчено. Тие, преку Фондацијата „Дафне Каруана Галиција“, го продолжуваат споменот за малтешката новинарка, борејќи се против корумпираниот систем во име на јавниот интерес и слободата на медиумите. Со Метју Каруана Галиција ќе поразговараме и за неговата работа во Меѓународниот конзорциум на истражувачки новинари (ICIJ).

Погледнете ја дискусијата Новинарите и граѓанското општество можат да работат заедно при креирање добри стории во интерес на јавноста. Во оваа ќе наведеме неколку примери за соработка помеѓу новинарите и граѓанското општество и ефектите од таквата соработка во борбата против корупција.  

Погледнете го разговорот Што можеме да научиме од извонредниот начин на кој Бекисиса известува за пандемијата КОВИД-19? Со Миа Малан, основачка и главна уредничка на Центарот за здравствено новинарството Бекисиса, ќе разговараме за одговорноста при покривање прашања од областа на здравството, предизвиците при комуникацијата со јавност која е преплавена од лажни, лаички тврдења и ќе ги разгледаме ресурсите што им овозможуваат на новинарите да се справат во оваа нова, неистражена територија.